蔣家旻出冧招食住老公　全力搏殺無意做少奶奶.藝人蔣家旻Angel在台慶劇《巨塔之后》中飾演鍾鎮濤三女，跟父倒戈相向，繼續奸計得逞。她表示收到劇本時感覺角色不算奸，跟「反骨琪」比較人性得多，「我觉得咧最大发挥系我同张颖康两公婆嘅感情戏，咁但系你话攞奖，应该要再劲啲咯，即系嗰个可能个发挥要再多少少系咁。所以我觉得如果我同张颖康两公婆嗰啲戏出到街，大家觉得好中意系觉得我哋演得好嘅有回响，我已经觉得赢咗。」而現時她正為《璀璨之城》拍攝，劇中演深不可測的澳門千金，各有不同程度的奸險，大過戲癮。拍摄过程中一些首饰会否用私货？「即系如果你话咧包包呢啲可以落私货？首饰我都会用私货嘅，但系我会我会睇下个角色嘅情况啦，有阵时我系会买啲平价但系又靓嘅首饰，即系譬如你我唔想自己真正嘅钻石唔见咗，咁你咪买啲假钻石咁样当咯。所以即系你出嘅唔系好觉嘅嘛，最紧要靓啊嘛，咁我会咁样拣咯。即系反而首饰我会有阵时系用下自己咯，但系衫嗰啲我觉得有阵时麻烦啲，所以因为咧好多时候各色著嘅衫我平时唔会著，咁如果我自己买完之后咧，我就觉得嘥咗啦。」在《巨塔》中她對老公張頴康言聽計從，現實中結婚一年的她，與老公都經常包拗頸。「搞到自己周身伤都冇嘅，最后佢就会唔同我嘈嘅啦，佢就会觉得嗯你自己试啦，你试完你就会知道应该系用 A 嘅方法好啲啦，咁即系你死咬冇用啊嘛，佢好明白呢个道理，而我嘅性格就系嗯我一定要做咗先，我要试咗先。然后我就啊系喎真系唔得喎咁样。」「（即系你都有少少包拗颈嘅？）系系系，我本身天生嘅性格系咁嘅。有阵时系咯，即系自己性格燥底咁样咯，但系但系冇乜嘢嘅，即系佢系属于即系可能大家嘈一两句，跟住佢就唔出声，由得我自己喺度吟沉咯，即系我唔系闹佢，我系吟沉自己喺度自言自语喺度吟沉。咁佢觉得嗌交系要两个人先嗌到啊嘛，咁佢唔出声咪即系冇人同我嗌咯，我即系吟沉完之后就静咗落嚟啦，咁就冇嘢嘅啦」「（咁但系你之后会唔会氹翻佢嘅？）都会嘅讲句对唔住咯，系啊会嘅会嘅会嘅，因为静咗落嚟之后觉得哎佢好可怜啊咁样俾我闹，咁我就会讲句哎呀对唔住咯咁样。」其實婚後兩夫妻十分甜蜜，經常拍拖去旅行，結婚周年便去了意大利西西里島和巴塞隆拿，Angel又常陪老公到日本出差，除了因為很喜歡日本，半年前開始她在東京尋找隱世美食，拍成90秒的飲食片，短片全由老公操刀，希望大家透過短片更加認識她，「咁就变咗我一去日本我就要预一日时间拍好多片咯，咁一日成好多间啊。嗯如果顺利嘅话就一日四间咯，转型做 KOL 啊，都唔系我都系，即系我觉得我本职都系想做演员，即系我中意拍剧嘅，只不过时代变，你可能会谂下诶点样可以建立自己嘅 image，或者令到自己嘅 image 更加鲜明啲。即系既然人哋觉得你好中意日本嘢，咁会唔会有一啲系你自己平时去开嘅餐厅，或者你发现有一啲新啲嘅餐厅都俾好多意见我嘅，佢自己同我讲话唔好理咁多啦，乜都拍咗先咯，你拍下拍下越嚟越多嘅时候你就会知道观众中意睇你介绍啲乜嘢，跟住先去再做一啲观众中意睇嘅。」蔣家旻身為「2Line黨」成員，成員中朱千雪、岑杏賢和張嘉兒都早已榮升媽媽級，她表示聽了不少湊仔經而更加驚恐，與老公都不強求生育，但她一直有看中醫調理身體，到時若想生育便向醫師請教。問將來想傚法朱千雪還是「全職媽媽」岑杏賢時，她說無想過退休，直接答：「我想做朱千雪，朱千雪正職係律師，佢生產之前仲上庭真係好勁，我諗大住肚拍劇應該無可能，不過生完調理好我係會再出番嚟拍劇。」她指老公容許她做少奶奶，只是自己不想，眼見不少同事選擇離巢，她認為自由有自由好處，樹大好遮蔭也有優點，自己較喜歡後者，又透露老公有意開工作室，但暫時無意夫妻檔合作。