【On.cc】黃建東生日人生勝利組 左擁譚輝智右抱黃嘉雯
藝人黃建東（東東）早前生日，除了父母外，在圈中人緣甚佳的他獲不少藝人好友為他慶生，包括莊思明與男友楊明、莊思敏、譚輝智、林鈺洧、黃嘉雯、戴夢夢等，場面墟冚，他表示：「平日同啲同事開工冇乜機會傾偈，難得生日攞正牌請大家食飯，可以慢慢食慢慢傾非常難得。今次仲乘機帶埋爸爸媽媽一齊慶祝，因為平時太多應酬冇乜機會同佢哋食飯，自己會好自責，今年生日決定來一個改變，與其晚晚同好友一齊慶生，不如搵幾晚帶埋佢哋一齊，又可以見好友又可以享天倫之樂兩全其美，仲陪身為虔誠佛教徒嘅媽咪到荃灣西方寺禮佛，非常有意義。」他直言不介意背上「裙腳仔」之名，最重要是愛得及時。講到生日願望，東東稱首要是父母身體健康，以及朋友們都健康順利及多些工作：「因為今年市道欠佳，本身有好幾個客上年已落實今年請我做司儀，但最後因為市道問題，啲公司搵番自己嘅同事代替。」雖然如此，東東慶幸年初有客戶邀他到荷蘭擔任司儀及唱歌表演，望下半年可以多接些主持工作，成為一個好主持。
黃建東獲譚輝智慶生。
黃建東攬實黃嘉雯。
楊明和莊思明送吻。
戴夢夢與黃建東。
黃建東攬實蝦頭。
黃建東是圈中的孝順仔。
