【On.cc】何超蓮生日勁多飯局竇驍隔空氹氹 影至Hit撕拉相索爆
賭王千金何超蓮今日（9日）34歲生日，被稱為「最美富二代」嘅佢喺唔同社交平台晒出大批生日飯局相，當中就有佢同龍鳳胎細佬何猷啟、三太陳婉珍、家姐何超雲一家四口合照，仲搵嚟幾位至親好友齊齊慶生，不過就未見老公竇驍現身，而佢留言：「生日第一彈！ 🎂」未知老公仔係咪會為佢大搞生日Surprise呢？竇驍雖然未有現身，不過就隔空留言講生日快樂，超蓮亦回覆佢心心圖案，未見面都一樣Sweet爆。
何超蓮34歲生日喇！
最Close嘅朋友一齊過。
梗係要預埋龍鳳胎細佬何猷啟。
一齊喺豪宅入面過。
一家四口最幸福！
竇驍未見人，先見冧豬留言。
另外佢亦上載開工獲慶生嘅大堆頭合照，又上載多張依家內地最Hit嘅撕拉相，原來佢收到舊年影嘅靚相，依家當生日禮物咁開箱，夠新鮮又有紀念價值：「好朋友寄來一組我去年拍的撕拉「存貨」！每一張都像時光膠囊💌 趁着生日拆開這份禮物，新的一歲，也要繼續用鏡頭收集美好🎂 」
開住工都有得慶祝。
何超蓮影埋內地最Hit嘅撕拉相。
好靚好有質感。
索到爆。
何超莲
