【On.cc】何依婷半裸同羅子溢肉搏 唔擔心畀老公睇到
藝人何依婷今日（22日）到銅鑼灣拍攝醫療廣告，更獲大會送上加細碼比堅尼泳衣。4月誕下愛女「Baby R」的她，笑指因已回復到懷孕前的體重，因此收泳衣也沒有壓力，坦言現時每當要出門工作也非常不捨女兒，笑謂：「今朝出門同阿女講咗3次Bye bye！」不過她亦希望為女兒樹立榜樣，以身作則讓女兒知道作為女性也可以有自己事業。
談到她在台慶劇《金式森林》中半裸跟羅子溢的床戲，依婷坦言拍攝時自己也「嘩嘩」聲，但不擔心播出後老公會看到：「佢好大方，鍾意睇就睇，好大自由度。（之後有冇更激場面？）冇啦，埋身肉搏已經係最激，再激啲電視都播唔到。」雖然已為人母，但她直言若角色需要，不介意日再拍大尺度戲：「演員身份就係需要專業，唔可以話依家係點，唔做呢啲嘢。（有底線？）有，電視出得街！（要問老公先？）唔緊要啦，拍咗再問佢，哈哈！講笑，其實佢好大方，當然每次收到劇本都同有佢商量，佢好支持我嘅工作，希望我有自己事業，會陪我睇番啲劇畀意見我，所以我相信佢絕對會支持！」
她表示暫時主力於綜藝工作上，透露早前到韓國10天拍攝節目，笑指每天也要叫家人傳女兒的照片給自己，稍後將到內地20天拍攝：「我真係喊，冇辦法，為咗工作可以犧牲好多，到時由老公陪個女。」
何依婷收晒身。
弗！
靚媽！
唔怕着細碼衫！
同羅子溢激戰連場。
