娛樂新聞臺：飛常日誌2丨洪永城馬國明超強颱風過後趕開工 張馳豪便衣佩槍執法人員look曝光
TVB劇集《飛常日誌》以香港國際機場為故事背景，內容涉及機場內嘅不同工種，去年初播出後反應不俗，近期劇組忙於喺機場拍攝續集《飛常日誌2》，今日 洪永城Tony的地球 喺社交平台分享開工照，仲見到歌視雙棲發展嘅 ChiHo Aska Cheung 張馳豪 。
超強颱風樺加沙日前吹襲期間，機場航班升降大受影響，本港機場逾千班航機、涉及約14萬旅客受影響，機場復運首日處理逾千航班，過程充滿挑戰，航班逐步回復運作，《飛常日誌2》劇組亦如常開工，洪永城留言：「We are back ! 飛常日誌，營業中 香港國際機場✈️ 一齊恢復營業😌」洪永城鬼馬影咗疑似馬國明等埋位嘅瞌眼瞓相，仲貼心為個樣加上emoji。
Aska早前透露加入劇組飾演佩槍執法人員，今次喺照片見到Aska戴Cap帽及黑框眼鏡、裇衫造型，跟洪永城飾演機場保安經理陳杰有對手戲，唔通Aska喺劇中飾演係便衣警察！？
