【On.cc】金式森林︱何依婷封羅子溢床戲專業戶：令我覺得舒服

藝人羅子溢與何依婷在無綫台慶劇《金式森林》昨晚（6日）一集中上演激情床戲，雖然在劇中只是想像畫面，但過程依然激烈，連番熱吻及纏綿畫面在內地播出時已引發廣泛討論。談到拍攝過程，首次拍床戲的依婷接受無綫官方訪問時透露由於事前與子溢做足溝通，拍攝過程快速又順利，並封子溢是「床戲專業戶」：「子溢係一個好好嘅前輩，佢係『床戲專業戶』，所以喺拍攝前佢會同我溝通好晒佢陣間會做啲乜、盡量搵一個令我覺得舒服嘅位去做。佢對場戲有佢自己嘅理解同演繹方式，我聽完都完全跟咗佢個意見去做，所以成個過程拍得好快。其實只要跟住個Flow去，就冇覺得唔舒服、或者好難去完成或者好尷尬。真係好多謝佢，我係第一次拍床戲，之前真係完全唔識，今次同佢合作完都令我冇咁驚呢件事。」問到老公有否詐型？依婷感恩老公很支持：「我收到劇本時，已第一時間同佢講呢件事，佢都支持我嘅工作嘅，同埋出咗街我哋有一齊睇，佢完全OK冇問題。」

另外，依婷在劇中有一名私生女，不過依婷與小演員合作拍攝時，還未得悉自己懷孕一事，對此依婷笑言現在回想起，覺得整件事都是「奇妙的緣份」：「好似係天賜嘅禮物咁，戲入面有個女，點知現實中上天都賜咗個女畀我。」依婷續指與小演員的合作，令她回想起當年做兒童節目主持的點滴：「啱啱入行時，我做咗大概一年幾到兩年嘅兒童節目，當時成日都要同小朋友相處，所以變咗都會識得點同劇入邊嘅囡囡相處，每次大家見面都好開心。」

何依婷同羅子溢連番熱吻。

何依婷被推落床。

嘩！

好激呀！

何依婷原來係第一次拍床戲。

何依婷被何廣沛打咗一巴。

何依婷同小演員對戲。

大晒母愛。

何依婷（左）曾經做過兒童節目主持。