【On.cc】蔣祖曼成功考到電單車牌　圓夢做鐵騎士

藝人蔣祖曼（Joman）上年曾透露買定頭盔預備學車，她月前終於成功考牌，一圓20歲時的夢想正式成為鐵騎士。Joman日前受訪分享感受，問到為何突然有此念頭？她自爆原來19歲時曾經學車，更成功考獲強制試，可正式在路面上繼續學車，她説：「但我出咗一次街就冇考，因為我一出嗰次就跌車反咗車，後來成日都同自己講要考返，但咁多年都係得個講字，哈哈！」

蔣祖曼月前終於成功考到電單車牌。

終於圓夢成為鐵騎士。

蔣祖曼自爆19歲時曾經學車，但因經歷「跌車」後害怕。

今次她先斬後奏，報考後才告知家人。

她笑指經歷「跌車」後害怕了，結果眼見身邊朋友近年陸續考獲電單車牌，令她再次燃起了內心那團火，結果上年的起心肝買頭盔迫自己學車，不過中途因要應付拍攝工作而一拖再拖：「所以當我喺社交網宣布終於攞到牌嘅時候，好多人都留言『哇！你終於終於終於考到』，其實我都肥咗一次，因為緊張得滯落咗右腳。」問到家人沒有反對？她笑指有點先斬後奏：「我冇同爸爸媽咪講，然後有次食飯，我爸爸無啦啦話考乜嘢都好，唔好考電單車，跟住我先講我考緊，結果我爸爸靜咗，哈哈！」她笑指老公知她成功考獲電單車駕照後，直言唔抵得比他自己多一個牌，要報名學電單車：「我同佢講你去考，我又再考多個冧巴，考棍波Van仔。」