十一月份「好頭好尾」，雲佩斯領軍嘅飛燕諾總算結束連同歐羅巴聯賽在內嘅四連敗走勢，作客擊敗聯賽三連和嘅榜尾球會泰斯達。夏積慕沙（Anis Hadj Moussa）今場貢獻一波一助攻，分別喺25分鐘助攻上田 綺世（Ayase Ueda）打開紀錄，以及63分鐘自己射入精彩嘅入波。82分鐘就迎來歷史性一刻，繼歐羅巴聯賽登場後，雲佩斯嘅仔仔沙基利雲佩斯（Shaquille van Persie）上演聯賽地標戰，協助球隊全取三分都算係一份唔錯嘅禮物。至於另一場賽事，阿積士壓軸迎戰岡寧根，兩隊踢到第六分鐘就要暫停。球迷點燃煙花並且投砸到球場內，疑似對球隊近況表達不滿（5戰1和4負）。經過40分鐘推延後比賽先得以繼續進行，但無耐再有球迷於場內投砸點燃嘅煙花，球證被迫腰斬賽事。賽後經過足協確定，剩餘嘅比賽將於2號踢完。荷甲第14週賽事賽果-施禾尼2-1 荷連芬SBV精英1-0 NAC比達幸運薛達1-1 賀華高斯NEC尼美根3-1 鹿特丹斯巴達PSV燕豪芬3-0 禾倫丹伊高斯2-2 烏特勒支泰斯達1-2 飛燕諾川迪1-0 艾克馬亞*阿積士0-0 剛寧根（賽事因球迷騷動腰斬，延期至12月2號補賽） 🇳🇱