台慶頒獎禮︱車婉婉獲「女主持」淚崩　林盛斌整爛「男主持」獎座林盛斌同車婉婉在《萬千星輝頒獎典2025》中，成功勇奪「最佳男、女主持」獎項，車婉婉獲獎後在台上淚崩致謝。而林盛斌上台即妙語連珠：「畀Mayanne（麥美恩）夾一夾，乜都唔記得晒，陳庭欣唔使擔心，我一定幫你搵個男友，2026年乜都唔搞，淨搞你一個，TVB，好多年，終於有機會上台，見到呢個畫面，多謝主席，呢幾年做得好好，繼續努力加油，多謝曾志偉先生，你同我講做主持要莊諧並重，希望呢幾年，你會見到我嘅改變同進步，多謝珍姐（曾勵珍），我會乖啲、多謝樂小姐（樂易玲），多謝所有投票畀我嘅評審、觀眾，同埋搵我入TVB做節目嘅《兄弟幫》監製，棋人公司。」Bob當然還有多謝屋企人、太太以及小朋友，他還指:「有幾年有份提名，都無得攞獎，小朋友同我講爸爸你喺我哋心目中係攞唔到獎嘅人，依家終於攞到，希望能夠令到你哋感到驕傲！」Bob亦指初入行時，經常被批評樣衰、聲嘈，有時更會被辱罵：「但我同自己講唔緊要，佢哋未識你啫，頂住，之後聽到啲人有講番條友都ok，幾得意、幾好笑，所以，我真係要再一次多謝所有用過我嘅人，喺佢哋令我可以畀大家認識。」Bob最後又指「演藝路，很漫長，不易行，經常要面對批評、打擊，有時會睇唔起甚至睇唔到，但只要堅持就會有美好嘅結果，攞到呢個獎，我會繼續努力。」說到此處，Bob高舉獎座在用力地放在枱面，應因太大力的關係，再提起時，獎座即「解體」，場面既尷尬又搞笑，頒獎嘉賓王祖藍即「救場」，嘗試幫Bob「修理」獎座，但可惜無效，Bob只好托住獎座落台，王祖藍即搞氣氛笑言：「講得幾好都冇用，最勁呢下，掂呀。」林曉峰即補充:「做主持呢個時刻都只能抹下張枱。」王祖藍再謂：「你真係贏咗，你應該係TVB開台以嚟第一個整爛個獎嘅人，落地開花。」恭喜晒。林盛斌實至名歸。藝人林盛斌（阿Bob）獲「最佳男主持」獎項，他接受訪問時表示：「原來上到台真係會腦中一片空白，加上見到幾個老友，金剛呀，王祖藍等，上台時仲被麥美恩夾一夾，原來預備咗大段讀稿，依家講咗6成度啦。」他又說此獎是在電視圈首個獎項，對他來說是鼓勵亦是肯定。談及撞爛獎？他說：「人生充滿好多可能性，我就將不可能變成可能，我應該喺史上首位攞完獎立即『鏗』碎個獎嘅藝人，不過呢個係道具，遲啲會有個真獎，我會用保險箱鑲住，小朋友都唔畀掂，（台上話會幫陳庭欣做媒人？）我台下同佢傾咗好耐，我一定會幫佢搵個好好嘅，好過之前嗰個，起碼身家20億起跳，呢大半年，行內行外，甚至網民都搵我介紹另一半，我又唔係開公司，只會幫識嘅人配對，幫到朋友會好開心。」個獎爛咗。王祖藍上前解困。場面搞笑。實至名歸。好尷尬。小心啲啦。車婉婉淚崩。