羅馬官方宣布，從阿士東維拉引入26歲荷蘭進攻球員馬倫，據羅馬球會公告顯示，球員以有買斷條款嘅借用方式加盟。據報導借用費 200 萬歐元 ，若果羅馬能夠取得歐聯或者歐霸參賽資格，而馬倫上陣場數達到一半，兼每場至少披甲35分鐘，就會啟動 2500 萬歐元強制買斷條款。馬倫舊年1月14號加盟維拉，效力367日離隊，喺現今 PSR 條款下，唔少交易都要顧及球會財務同會計範疇，以達到相關帳目盈利要求。