【On.cc】賴慰玲演技大爆發　與陳煒一拍即合火花四濺

無綫全劇集《非常檢控觀》昨晚（3日）「嬌俏擔當」的賴慰玲（Winki）可謂由頭帶到落尾！為了套料，大晒美腿及S身形，俯身執File畫面一出，網民即大感興奮，並大讚她保養得宜：「呢個年紀同人妻嚟講絕對係王者。」除了執File、Winki就連輕靠房車、與林正峰對話的姿勢亦擺得弧度十足、魅力四射。

賴慰玲演出亮眼。

賴慰玲大晒演技。

Winki接受官方訪問時透露，監製林志華除借出房車協助拍攝、還親自落場指點Winki如何擺甫：「因為知道係監製架車，所以我擺甫時可以大膽啲、唔驚刮花。同埋好多謝監製嗰日特登落嚟指導我呢場戲，因為我唔係行開性感路線，所以監製知道我要拍引誘林正峰嘅戲，佢就落嚟幫一幫手。佢好保護我嘅，佢畀我選擇我着得舒服嘅衫，我就覺得腳已經係我最可以畀大家睇嘅部分，所以我決定用腳，咁監製都贊成，就話由呢個方向出發，佢有叫我S形啲、同埋係佢叫我執嘢嘅，好多謝台前幕後都花咗好多心機去度好同拍好呢場戲。」Winki又謙稱希望觀眾能接受團隊為她打造的「嬌俏擔當」人設。

陳煒演技出色。

陳煒揮灑自如。

除了女人魅大爆發，Winki過足戲癮，對手更是與她一樣好戲的陳煒。談到與陳煒「對戲」連場時，她笑言是「一拍即合」、「火花四濺」及「乾淨利落」，並對陳煒一cut後又回復溫柔Nice本色大表神奇佩服：「煒哥成日幫我整頭髮，佢會好細心去照顧身邊嘅人。」

吳偉豪、賴慰玲和馬德鐘大鬥演技