藝人楊偲泳（Renci）在賀歲片《夜王》中性感行頭，聯同「長腿女神」譚旻萱（Mandy）、「Cosplay女王」林熙彤（Hazel）、「媽媽生」女圑COLLAR成員李芯駖及「搞笑在線」的麗英，組成霓虹姊妹花「胸降」夜總會中，5女施展秘技爭做「公關女王」。

身懷最強「胸器」的Renci坦言為藝術作重大犧性，她說：「我個角色叫『煲煲』擅長同客人溝通，戲裏面我煙不離手，酒不離口，平時我唔食煙，所以要學點食煙食得靚，仲要噴落客人度，難度好高，所以我哋全部都有練習，試過大煙到拍唔到，連工作人員都叫唔好再點煙。」Mandy笑言全體女公關齊食煙時，片場變成焚代爐相當煙霧瀰漫，位位都是自制煙機。問Renci可有向視帝男友張振朗請教演技？她避談說只有請教戲中的何啟華（ERROR成員阿Dee）等，感激兩人提供不少意見。談及Renci和阿Dee有場接吻戲，她說跟Dee合作多次很有默契，拍攝很順利，不過拍挑逗性吻戲就頗辛苦：「現場有幾十個人同機對住，拍kiss戲時，要有欲拒還迎嗰啲感覺，錫吓又褪吓，兩個人個頭要就攝影機，條頸係好唔舒服，好似跳舞咁。（阿Dee好錫嗎？）兩個字『專業』，我兩個字『敬業』。」不過兩人接吻戲遭剪走未能上映，她續說就要靠報道，望徇眾要求下接吻戲可重現，笑謂：「睇番我哋點樣大吉大『脷』。」她又說拍戲行性感沒設上限，只視乎圑隊及角色要求：「底線可以調整，（要同男友申請嗎？）屋企得我一粒女，父母思想較傳統，（男朋友較開通？）依家大部分嘅男性對演員尺度都開放咗好多，（男友唔怕你被睇蝕？）咁就要睇吓同攝影師嘅溝通啦。」當提及和男友玩盡嘉年華，張振朗極罕放閃，揚言有好消息自會公布，她又自爆有喜訊，就是新戲上映。至於模特兒出身的Mandy就犧性了一對腳，因長時間着高踭鞋，結果搞到腳抽筋，她說：「拍完瞓覺最少抽20次筋。」由於腳掌受酷刑，所以眾女星在片中只有爭櫈坐而沒有搶戲份。她又說在戲中是「枚后」，但現實生活中就忌賭，更笑言：「我好鍾意錢，『揦』得好實架。我平時放工就返屋企陪隻狗，乖，斯文，係我代號。」年紀最少只得22歲的Hazel就玩「制服誘惑」，扮俏護士及學生妹滿足客人，不過習慣說話沒有尾聲關係，要重新學嬌嗲，她說：「話我講嘢唔溫柔，所以我要幻想同8歲嘅細細佬講嘢。」在旁的芯駖就扮Hazel施嗲功：「你飲唔飲酒酒呀」、「你唔係唔畀錢錢呀？」笑爆全場。至於39歲的芯駖被問到要飾演「媽媽生」，可覺得年紀被標籤？她豁達謂：「可能喺幕後眼中，覺得有啲人和事去到一個Moment就順其自然啦，我尊重角色。」自言沒有因COLLAR成員身份而有「偶包」，反而隊友見其性感造型頗大反應，她爆料謂：「佢哋話真係做唔到，好驚喎，（隊友扮純情？）佢哋Sporty啲都純情嘅。」而最無殺傷力的麗英飾演侍應「結衣」，她揚言角色有難度：「因為我個目標係下海，但下唔到海，所以扮人制服誘惑，作風都好豪放架。