摩西堅恩連續三場聯賽有波入，上星期四嘅協會聯賽未有起用杜度、堅恩同法基奧利，三位嘅狀態係陣中最好嘅。尼杜亞（Cher Ndour） 今場遠射水準唔錯，比斯安連尼（Marco Brescianini）狀態亦都有所提升。費倫天拿下半場踢得幾拘謹，注重保持控球多於尋求快攻。法仙尼（Jacopo Fazzini）入替後主要限制製造不少傳中嘅古亞達度（Juan Cuadrado），係有針對性嘅安排，效果亦都唔錯。高辛斯並無上陣，但鏡頭多次捕捉佢喺場邊相當投入同肉緊。

呢一週之前，比薩係意甲傳中球次數第二多嘅球隊。球隊嘅兩位正選進攻球員，伊寧祖利亞（Samuel Iling）同史杜積高域（Filip Stojiljković）表現非常淡靜，參與度有限。老將古亞達度喺生波同死球嘅傳中質素仍然保持得唔錯，馬連（Marius Marin）喺中場傳送質素最好嘅一位；37歲巴西守門員尼高拉斯（Nicolás Andrade）係比薩表現得最好嘅一位。

意甲第26週賽事賽果（最後兩場）-費倫天拿1-0 比薩博洛尼亞1-0 烏甸尼斯

serie a 🇮🇹