挪威近年體壇界嘅表現以及進步確實令人瞠目，博杜基林特連續四場歐聯贏波（分別擊敗馬體會、曼城以及兩勝國米），兼且都係擊敗五大聯賽球隊，附加賽兩回合雙殺國際米蘭，殺入十六強，閃耀歐聯。

最近高普話想同博杜基林特教練卻魯遜見面交流下，了解多啲呢支挪威球隊嘅計劃同運作，不過未能聯絡得上。賽前卻魯遜表示球隊唔能夠坐以待斃，都要喺某啲時刻展現特性，結果下半場再次發揮好強嘅把握力。對上一次挪威球隊喺歐洲賽作客擊敗意大利球隊，係1996年嘅事。對上一次挪威球隊晉身歐聯十六強，係2000 年嘅洛辛堡。

國際米蘭今場有足夠多嘅埋門機會，不過把握能力實在太弱，而且感覺欠缺一啲決心，佢哋亦都自從 2020/21 球季之後第一次無緣晉身歐聯十六強。

馬德里體育會就憑藉索洛夫嘅帽子戲法，大勝布魯日，兩回合贏7-4晉級。

歐聯附加賽次回合第一比賽日賽事賽果-馬德里體育會4-1（agg 7-4）布魯日國際米蘭1-2（agg 2-5）博杜基林特利華古遜0-0（agg 2-0）奧林比亞高斯紐卡素3-2（agg 9-3）卡拉巴赫

UCL歐聯附加賽