女神眷顧，亞特蘭大晉級十六強，沙馬錫（Lazar Samardzic）高質素十二碼 ，恭喜曬!!! 柏薩歷，亞特蘭大歷來喺歐聯入波最多嘅球員，總數入咗9球。人來人往，但係球隊最可靠嘅仍然係廸隆同埋佢。

廸隆喺2024年3 月之後冇再代表過荷蘭國家隊，朗奴高文喺當年嘅歐洲國家盃之後亦講過除非特別嘅情況，否則唔會再徵召廸隆，呢位中場喺早一、兩個月嘅訪問中表示自己有 1% 入選嘅機會。薩柏哥斯達賽後當選最佳球員，認真覺得佢係值得入選意大利國家隊。希恩（Isak Hien）踢出今季嘅代表作，幾時上前截擊，幾時退後防守，決定做得好好，成功限制基拿斯嘅威脅。薩路斯基越來越進步，左右腳射波、盤扭都做得好，比沙馬錫更有威脅。史卡麥卡表現有改善，但係最後搏到十二碼嗰一球，若果係佢就未必會伸個頭去頂，但係卡斯杜域就有呢種勇氣，值得一讚。

場波係祖雲達斯贏咗，掌聲係俾祖雲達斯，不過晉級嘅係加拉塔沙雷，呢家土超球會12年來第一次晉身歐聯十六強。

萊特基利（Lloyd Kelly）爭頂之後意外地踩到巴利斯耶馬斯（Baris Alper Yilmaz）而攞紅牌，改變咗比賽嘅格局，判罰有點牽強。祖雲達斯傾盡全力追返三球平返敗局，但係就再冇力氣將比賽拖到去互射十二碼階段。賽前迪比亞路表示，祖雲達斯唔止要踢一場好嘅比賽，仲要交出異常出色嘅表現，球員唔單止要喺技戰術出色，仲要有好嘅心態，最終祖雲達斯球員做到，每一個都傾盡全力，特別要讚賞麥堅尼同盧卡迪利。彼連再一次證明係可靠，即使冇喺咁艱難嘅局面。盧卡廸利五次球會生涯操刀射十二碼，全部都入。薛哥華（Edon Zhegrova）嘅門前失機，係比賽另一個重要嘅轉捩點。

喺出戰過至少50場歐聯嘅球隊裏邊，加拉塔沙雷嘅作客輸波比率係第二高。唔知道係主客場嘅影響，定係有三球在手影響部署同心態，定係球員漫不經心，加拉塔沙雷未有盡早利用優勢去鎖定晉級機會。加時階段入波但無慶祝，奧舒梅恩認為冇必要。佢認為尊重一位佢喜愛並且喺自己職業生涯當中扮演重要角色嘅人物好重要，講緊嘅係祖雲達斯教練史巴列堤。

尼日利亞射手亦表示，佢哋加拉塔沙雷即使踢多一個都表現得差，佢自己唔係一個會掩飾情緒嘅人，但呢球入波之後確實冇必要慶祝。

歐聯附加賽次回合第二比賽日賽事賽果-亞特蘭大4-1（agg 4-3）多蒙特祖雲達斯3-0（et 0-2；agg 5-7）加拉塔沙雷巴黎聖日門2-2（agg 5-4）摩納哥皇家馬德里2-1（agg 3-1）賓菲加

ucl歐聯附加賽