🗣️迪比亞路表示，祖雲達斯需要將面對加拉塔沙雷時展現出嚟嘅競爭精神帶到去每一日。唔係每個禮拜日，而係每一日都要有，只有咁樣先能夠克服球隊嘅弱點。球隊星期日會對羅馬，若果呢場比賽輸咗將會落後第四位嘅球隊7分，佢明白歐聯對球隊意味著啲乜嘢，佢哋需要搵到方法以正確嘅位置去完成球季。

佢亦都認為史巴列堤令球隊組織性更強，球場上嘅球員都知道要做乜嘢，球隊嘅個性亦都提升咗，對加拉塔沙雷時球隊表現出無所畏懼，因為佢哋都明白球隊處於出局邊緣，而家球員就要每日都證明佢哋承受到着呢件波衫嘅責任。

呢位前祖雲達斯隊長表示任何一支強隊，發揮失準嘅次數屈指可數，而一支小球隊發揮出色嘅次數亦都寥寥可數，呢啲係截然不同嘅心態。球隊有啲球員決定做得差，唔係話佢哋水平差，而係決定做得唔好，球隊需要六到七個骨幹球員撐起球隊，知道自己嘅崗位同應該做啲乜嘢。呢場比賽祖雲達斯曾經非常接近晉級，因為錫哥華嘅射門本來可以改變命運。