博洛尼亞自從1998/99 球季(當季晉身四強)之後，第一次至少入到歐洲賽十六強 。教練伊泰利安奴第91 場執教博洛尼亞，每場正選陣容都唔一樣，冇一次係用上同一套嘅正選。季中從祖雲達斯來到嘅葡萄牙後衛祖奧瑪里奧第一次喺歐洲賽入波，亦都擔當佢並唔習慣嘅左後衛，賽後佢話教練想佢嘗試吓，佢自己覺得技術上分別唔算太大，佢會盡100%努力去適應。

教練伊泰利安奴就覺得祖奧瑪里奧可以寬容啲，笑多啲，因為佢喺波圖證明咗自己係正選球員，並且因此得到機會加盟祖雲達斯，佢表現得好並且有波入。同時佢對於荷蘭前鋒達寧加上一場聯賽對烏甸尼斯後備入替嘅表現唔太滿意。至於博洛尼亞本身，就已經各項賽事連續四場取勝。

第一回合班恩嘅主場場地狀況麻麻地，場地好爛，雖然係真草。丹麥中場積及蘇連遜（Jacob Lungi Sorensen）紅牌被逐離場，改變咗比賽嘅走向。

Bologna FC 1909