與首輪對陣烏茲別克斯坦一樣，北韓以原班主力人馬迎戰孟加拉，只不過唔同嘅就係明有成（Myong Yu-Jong）嘅帽子戲法，轉變成4位唔同嘅球員都取得入波，當中更有24歲射手金景英（Kim Kyong-Yong）梅開二度。本場都有收穫嘅明有成，目前就以4粒入波高居射手榜榜首。賽後提前出線嘅佢哋，下一輪對陣國家隊會係B組最具戲碼嘅對碰。

至於國家隊方面，本仗領隊米歷錫似乎有意收起大部份主力以應付北韓，包括首仗入波嘅張睿以及王霜，效果都相當唔錯。值得一提嘅係早前有唔錯表現嘅雷州「妹子」陳巧珠以主力左閘身份出戰85分鐘，成功傳球有87%，成功傳中有38%，成功過人33%，單對單成功攔截就有36%，還有唔少嘅提升空間。

女子亞洲盃分組賽第二輪賽事賽果-Group B孟加拉🇧🇩0-5🇰🇵北韓烏茲別克斯坦🇺🇿0-3🇨🇳中國

AFC Women’s Asian Cup 🇦🇺🦘