戴巴拿進行手術，檢查關節情況，結果顯示外側半月板撕裂，將會休息45日。

為戴巴拿進行手術嘅骨科專家馬利安尼（Paolo Mariani）表示手術係星期四同羅馬醫療團隊 Petrucci 協商後決定進行，之後發現外側半月板撕裂，佢從骨科角度睇需要休息45日，之後羅馬嘅工作人員同教練再確定佢幾時可以重返球場。

最近啱啱同伴侶奧莉安娜（Oriana Sabatini） 喜獲千金 Gia 嘅戴巴拿今季已經缺陣11場比賽，加上呢次受傷，預計最少要四月尾先可以復出，相信球會同佢簽新約嘅可能性會進一步減低，季尾約滿重返阿根廷加盟小保加嘅可能性更大。