【On.cc】戴祖儀修讀法律拍劇學以致用　馬貫東挑戰6頁紙對白

戴祖儀、馬貫東今（20日）於惠州出席《正義女神》宣傳，戲中戴祖儀飾演檢控官，現實中祖儀在大學時曾修讀法律，問她今次是否算是學以致用時，她笑言：「都放低咗一段時間，但思路都仲係度，好努力咁溫劇本，同了解戲入面嘅case，都大概知道點去演繹。（劇中邊個拍法庭戲最似真實？）佘詩曼好專業，讀判詞嘅時候，語氣好似法官，周嘉洛平時成日嘻嘻哈哈，今次演出可以見到佢嘅另一面，一本正經同好嚴肅，馬貫東都好努力咁去演繹少年犯律師。」談到對自己的評分，祖儀即笑言：「我簡直係專業啦！（同馬貫東係咪有感情線？）我演檢控官，同馬貫東少年犯律師係對立嘅。」

戴祖儀和馬貫東劇中表現出色。

馬貫東則指今次拍攝有好多對白，最長的有成6頁紙，對他來說是很大的挑戰：「之前拍《臥底嬌娃》好型好多嘢講，呢套就要好嚴肅，比較潺弱嘅，行幾步路都會喘氣，但好落力咁幫啲少年犯。」祖儀亦指長對白難度十足：「要一輪咀咁講晒出嚟，馬貫東可以一輪咀講，我都唔少，都有６頁紙，但好彩我天生記憶好，不過，試過有場戲由朝拍到晚，到最後要用氣音去拍，我講極都講唔到，因一講就噴鼻涕，要Cut機再嚟過。」

戴祖儀曾修讀法律。

馬貫東挑戰6頁紙對白。