藝人莊思明與楊明2016年相戀，拍拖10年不時被外界催婚，而楊明每次被記者追問婚期都以「盡快」來解圍，就連女友莊思明也忍不住以「年年都話今年，大家都聽咗好多次」來取笑他。雖然仍未影婚照，不過二人早前就替愛犬Haru安排到Studio影靚相，原來不經不覺Haru仔也踏入10歲了。

莊思明昨日網晒靚相，與粉絲分享喜悦，她寫道：「我哋個寶貝仔今日10歲生日啦！祝你生日快樂，媽媽只希望你身體健康，食得瞓得，繼續做一個無憂無慮嘅開心寶寶，爸爸媽媽永遠都咁愛你！HAPPY BIRTHDAY MY BELOVED SON, We love you soooooooo much！」她笑指為了隆重其事，平日懶影相的爸爸媽媽也專登跟仔仔一起去影輯靚相留念。