【On.cc】黃宗澤首度挑戰馬拉松　習慣夜瞓早起難過跑步

視帝黃宗澤（Bosco）、鄧萃雯及陳松伶等今日（26日）現身灣仔出席馬拉松活動，當中Bosco參與了5公里賽事，他受訪時表示早上7點起床，令向來習慣夜瞓的他笑言早起比跑步難度更大，又指自己平時都是在室內跑步，今次是首次挑戰跑馬拉松，直言體驗過後幾開心，在好天氣下沿着海邊跑十分舒服，過程中很輕鬆很享受。

問到他之後會否挑戰半馬等長途賽事，Bosco即表示：「我諗逐步逐步嚟，慢慢增加多個興趣。（加入同發哥跑步？）唔敢高攀（要交學費？）交唔交學費唔緊要，最大問題係太早起，佢哋話八點已經要起步，咁咪即係六七點起身，即刻退一退先，同埋我習慣夜瞓，平時三點先瞓。」早前他在社交平台晒出痛苦的健身照，Bosco指當時教練為他鬆筋，一腳踩上他的腿上，令他即刻痛到面容扭曲，形容像是「被坦克車輾過」，更忍不住像玩摔角一樣大叫投降，因此拍出來的照片中他痛到控制不了臉部表情，而網民們的創意P圖亦令他表示十分搞笑和有趣。

黃宗澤首度挑戰馬拉松，參與了5公里賽事。

向來習慣夜瞓的Bosco，笑言早起仲難過跑步。

提及Bosco早前投資的馬來西亞電影，他透露一共投資了7位數金額，電影亦已拍攝完畢，目前正在處理後期，預計於七八月上映，自己也有以多年的演戲經驗給予意見。問到他有否信心回本，Bosco指：「OK嘅，因為叫做嘗試吓，即係依家都係學習階段，你知依家演藝圈叫做比較平淡，咁係馬來西亞試吓先，如果真係略有所成，都希望可以出一分力（全部你一個人出？）唔係唔係，仲有好幾個。（遲啲投資俾自己作品？）我覺得唔會，因為自己投資自己拍，我覺得個身份好尷尬。」

談到之後的工作，Bosco透露近日忙於飛往各地出席不同活動，拍劇方面目前有4、5個劇本，但由於劇本之間的拍攝期相撞，因此希望從中選擇出比較適合自己的劇本和角色，至於問到他有否加價，他就笑言：「無加價仲減價添大佬，俾面啦搵食啫（減價？）啫係咁講，可以嘅減價添㗎我，搵食啫。」