《愛．回家》林鈺洧搣甩格仔恤衫 換上仙女裝索到爆.《愛．回家之開心速遞》飾演羅拉嘅林鈺洧，喺昨晚一集終於可以搣甩初戀Café件格仔恤衫，換上仙女裝大晒仙氣一面。

林鈺洧事後喺社交網晒出花絮相，留言話：「好感動呀，唔知大家有冇睇啱啱播完嘅《愛回家之開心速遞》第2771集呢？話說選完港姐第一件事就係希望加入愛回家，兩年前俾我圓咗夢。」

佢感恩終於有一集可以做主角，「估唔到兩年之後竟然可以有一集係六成都係我，經過呢一集之後，我對『羅拉』了解多咗，甚至乎覺得『羅拉』比我自己本人更加強大，好想借呢個post多謝呢個團隊嘅每一位，感恩。」網民紛紛留言大讚佢靚女，又為佢加油打氣。TVB