陳凱琳為《浪姐7》造勢 孖劉穎鏇陳楨怡拍跳舞片晒姊妹情.前港姐冠軍陳凱琳（Grace）將參加內地綜藝《乘風2026》（《浪姐7》），成為唯一香港參賽者。近日佢趁出席活動，捉實劉穎鏇、鄺潔楹同陳楨怡等TVB小花大拍跳舞片，為節目造勢。

眾人齊跳BLACKPINK成員Jennie新歌《Dracula》Challenge，劉穎鏇同陳楨怡大騷長腿，陳凱琳靠靚樣取勝，鄺潔楹就笑容甜美，畫面養眼指數爆燈。陳凱琳再同陳楨怡合拍另一段片，展現活潑一面。佢留言大晒姊妹情，獲網民激讚期待佢喺《浪姐7》嘅表現。