陳山聰、丁子朗齊齊轉戰微短劇市場，港星搵錢新金礦 .近年內地微短劇市場爆到飛起，需求大、節奏快、製作期又短，吸引唔少TVB藝人北上開拓新出路。視帝陳山聰舊年年底正式進軍內地，遠赴廣東茂名拍咗套新短劇《青霧》，同行的仲有近年主力喺內地發展嘅丁子朗。套劇拍完之後，喺3月28日正式上線。

陳山聰同丁子朗呢次合作嘅《青霧》，據講山聰喺劇入面做廚師，同丁子朗有大量對手戲，兩人開鏡嗰陣仲一齊現身。山聰透露，《青霧》唔係傳統仙俠劇，而係創作團隊精心炮製嘅「新仙俠」題材，故事圍繞「愛與救贖」，夾雜大量懸疑同糾葛情節。從最新預告片睇，節奏明快，山聰個廚師造型夾埋仙俠背景，充滿神秘感，好多網民都話好期待。山聰今次踩入短劇界，反映咗TVB一線藝人嘅新發展方向，估計未來會有越來越多港星返內地拍每集得幾分鐘嘅微短劇，呢個市場分分鐘成為港星嘅新金礦。TVB