一代大俠楊仲恩67歲擺生日宴大排筵席 多位演藝界重量級人馬撐場.一代大俠楊仲恩近年返香港發展，全力推動本地餐飲業，親力親為搞酒樓。尋日，楊仲恩喺自己嘅酒樓大排筵席，原來係佢嘅67歲生日宴！席上星光熠熠，多位演藝界重量級人馬專程嚟撐場，包括向華強、陳欣健、葉子楣、李龍基、黃錦燊、周美鳳、陳榮峻、吳香倫、吳麗珠、黃允材、舒雅頌、麥當傑、魏秋樺、吳君祥、詹秉熙、林寶玉、古天樂媽媽、佘詩曼媽媽、冬嬸等等，場面非常盛大！

楊仲恩1979年參加《歡樂今宵》第一屆影視紅歌星模仿大賽，以模仿鄭少秋嘅《一劍鎮神州》而奪冠加入無綫，之後加盟亞視正式走上主角之路，全盛時期喺台灣發展，一套《劉伯溫傳奇》令佢嘅「大俠」形象深入民心。多年嚟活躍於台灣，現時楊仲恩已經重返香港，除咗拍劇，仲開設餐廳，為香港出一分力。雖然已經67歲，但保養得宜，大俠氣勢更加越來越強。TVB