前落選港姐陳曉彤是非纏身被停工 晒大尺度相保人氣.現年29歲嘅陳曉彤（Cindy）於2023年參加港姐選美入行，雖然比賽三甲不入，但火速俾公司安排主力做嘢。深明「流量密碼」嘅玩法，佢成日喺社交平台大派福利。不過陳曉彤早前捲入是非漩渦，疑被前無綫藝人黃潤成爆料，指佢亂搞男女關係，甚至涉毒。雖然陳曉彤否認，話自己潔身自愛，喺道德上冇做過唔好嘅事，但亦坦言已經被停工，星途受挫。不過，即使疑遭「雪藏」，陳曉彤冇因此停低，近日佢更喺社交平台分享大尺度性感照，疑似靠自己力保人氣。

陳曉彤近日喺社交平台上載一輯噴血程度爆燈嘅新性感照，並寫道：「鋼琴·與貓·與我💕Best gift ever」。相中見佢着住超低胸黑白短裙，坐喺鋼琴上面同小貓咪互動，露出一對白滑雙乳同深長事業線，相當吸睛。下身仲配上黑色絲襪大騷修長美腿，造型充滿誘惑，尺度之大令網民驚訝。

除咗正面照，陳曉彤嘅另外兩張側拍更加衝擊網民眼球。相中佢輕輕彈琴鍵，從側面睇將佢上圍呈現出「呼之欲出」嘅震撼效果。網民紛紛留言：「好搏命」、「好鬼正」、「美腿」，甚至有網民笑言：「我諗我好難專心聽你彈鋼琴。」TVB