吳雨霏闊別樂壇9年 《The Present Concert》4.25登大銀幕.香港環球唱片為慶祝旗下新藝寶品牌踏入40周年，破格推出一連串限定企劃《MULTIVERSE OF CINEPOLY 40TH ANNIVERSARY》，先由闊別樂壇九年的吳雨霏打頭陣，推出「精選套裝」，率先將《The Present Concert》音樂會搬上大銀幕，引入戲院演唱會體驗；特別舉辦「吳雨霏之夜 Cantopop Party」，延續粉絲熱情；除此以外，更乘勢追擊聯同便利店打造史上首個「便利店限定音樂體驗」，推出2CD精選專輯再加上限量編號紀念品。

闊別樂壇九年的吳雨霏（Kary Ng）再度重返，今次唔係演唱會舞台，而係喺銀幕上面同大家重逢。吳雨霏《The Present Concert》將於4月25日喺百老匯PREMIERE ELEMENTS限定一日上映，戲院版特別以影院級音效重現Kary嘅代表歌曲，等樂迷享受到前所未有嘅演唱會戲院體驗。吳雨霏嘅精選套裝唔單止附送戲院門票，仲包括Cantopop Party通行證同精選版2CD代表作。電影放映之後，粉絲憑Cantopop Party入場券可以參加 After Party，現場設有DJ打碟環節，將Kary經典金曲重新混音編排——由聆聽到狂歡，串連過去與現在嘅「Kary宇宙」。

除咗演唱會戲院體驗同Cantopop Party，音樂體驗三部曲仲包括精選版2CD，收錄吳雨霏喺新藝寶年代嘅代表金曲，融入「MULTIVERSE多元宇宙」系列，每套產品仲附有獨一無二限量編號紀念品，象徵每位收藏者同吳雨霏音樂旅程嘅獨特連結。