英皇演唱會反應熱烈加開5月3日場 陳偉霆專程回港鬥舞 Twins將迎限定新成員.由英皇娛樂主辦的「25＋ 英皇群星演唱會」開售反應空前熱烈，原定5月4日的場次一經開售即日售罄，大會隨即宣布終極加開5月3日場次，門票將於今日正式公開發售。

今次演唱會總監製劉偉強再度披露演出細節，指今次舞台設計花盡心思，為照顧現場四萬多名入場觀眾，特意打造「主舞台＋副舞台」的雙舞台設計，確保藝人於不同舞台表演時，每個位置的觀眾都能享有優質的視聽體驗，全方位升級現場觀賞感受。

英皇娛樂營運總裁霍汶希就透露：「陳偉霆本來5月已經安排好入劇組開工，今次特意協調檔期專程回港，參加5月3日的演唱會演出，仲會同世界跆拳道錦標賽冠軍、謝霆鋒的徒弟林秋楠喺台上『比舞』，演出內容一定會令大家耳目一新。」佢仲表示，今次演唱會不惜工本，全場演出分為數個篇章，每個篇章都有獨立主題同驚喜，部份篇章更動用過百名舞蹈員，演出規模堪比大型個人演唱會。

除此之外，容祖兒、鍾欣潼（阿嬌）日前亦分別喺社交平台發文。祖兒就坦言，自己出道多年金曲數量眾多，正面臨選歌困難症，而家可以唱足兩場，就能夠揀多啲金曲，滿足一眾粉絲的要求；阿嬌就賣關子，表示Twins今次會有一名「25＋演唱會」限定版新成員加入，邀請粉絲一齊期待5月3日同4日的演出。