葉蒨文無懼TVB接管社交帳號 曾展望：凡事有商量！

日前，藝人曾展望、葉蒨文、張寶兒、朱凱婷及音樂人張佳添齊集將軍澳電視城，為節目《退休有乜計》宣傳。葉蒨文透露退休後想學潛水，而熱愛下廚的曾展望則希望報讀藍帶廚藝課程。他更即場展示手臂上的「愛的烙印」，笑言是為女友煮飯時燙傷的；葉蒨文則表示每天都會幫男友塗去疤膏，細心呵護。

談到TVB有意「統一管理」旗下藝人的社交平台帳號，曾展望回應：「聽過這件事，但未正式傾過。我覺得萬大事都可以商量，想先了解公司點解想咁做，衡量利弊之後，大家一齊達成共識。」被問到會否擔心私隱問題，葉蒨文就淡定表示：「暫時冇人同我傾，我唔驚，因為事無不可對人言，自己根本冇咩私隱可言。」至於理財方面，二人透露會分開儲蓄。葉蒨文說：「以前收入唔多，冇財可理，近幾年好轉咗，都有興趣上堂學吓理財。」

張寶兒就認為，生了小朋友之後，退休計劃更要及早規劃，不過目前階段仍以孩子為先。細仔出生後，她打算再進修育兒課程，直言學習湊仔係無止境嘅。被問到會否為退休做投資，她笑言：「我覺得投資喺個仔同老公身上，都係一種投資，等緊回本。」對於社交帳號管理問題，她說：「未有人接觸我，但有聽聞。如果公司有足夠資源幫手分擔成本，都係好事。（會唔會擔心冇咗私隱？）都有啲擔心，應該係有限度合作，要再深入傾細節。」

另外，無綫《中年好聲音4》原定評判谷婭溦因工作檔期爆滿，宣布退出評審團。同為《中4》評判的張佳添表示，谷婭溦由《中2》開始已為節目貢獻良多，她評判風格嚴厲，對參賽者非常上心，試過因有學員早出局而喊足成晚。他透露曾打聽新評審人選，但長駐評判難求，暫時未落實。對於網民希望伍仲衡回歸，他認為凡事都有可能。有傳谷婭溦退出是因為與評判不和，張佳添斬釘截鐵否認，指評判團相處融洽。至於鄧兆尊爆料指她離開涉及資本因素，他說：「肯定冇聽過，我一向唔回應KOL嘅言論，大家有言論自由，聽完可以獨立思考。」對於張崇德批評節目變成「外勞好聲音」，他只說「No Comment」。最後被問到退休後會否找個伴，他笑言：「隨緣啦，睇緣份安排，有就相處得開心，冇就風流快活，暫時仲係冇腳嘅雀仔。」TVB