【On.cc】陳庭欣孖關楚耀獲邀到北京　參加國際性匹克球明星賽

藝人陳庭欣近年迷上打匹克球，至今花上了8個月時間球技總算登「大雅之堂」。約兩星期前她與關楚耀齊齊獲邀到訪北京，參加國際性的匹克球明星賽，與眾多高手同場一較高下，令她印象難忘﹗她昨受訪透露﹕「賽事喺國家網球中心舉行，08年奧運喺嗰度產生咗好多金牌得主，所以我覺得今次好似歌手喺紅館開騷咁興奮。」

陳庭欣熱受匹克球。

陳庭欣又笑說﹕「我同阿關出場前商量好，要拖慢少少節奏，因為得15分鐘俾我哋展身手咋。大會有安排電視直播，更有專業旁述，搞到我哋都好緊張，出場感覺同平日做主持或唱歌真係好唔同。」而大會亦細心安排一眾選手往參觀著名寺廟，齊齊製作傳統香囊﹕「我同阿關一邊製香囊一邊問啲頂流打波嘅心得，把握機會偷師，而食飯時我哋就介紹番中國特色菜餚，同大家分享中國歷史同文化，真係好開心。」

陳庭欣孖關楚耀獲邀到北京參加國際性匹克球明星賽。

陳庭欣技驚四座。

陳庭欣表現超水準。

惺惺相惜。

陳庭欣一展實力。