《愛回家》傳7月停拍 呂慧儀語帶玄機：總有完結嘅時候 劉丹放假驚聞「噩耗」待返工了解.TVB長壽處境劇《愛．回家之開心速遞》近日傳出即將光榮引退，有報道指無綫執行董事兼助理總經理曾勵珍，聯同製作部助理總監文偉鴻（Jazz）日前突然召開緊急會議，向演員表示公司有意停拍，更傳出劇集暫定播到7月便告終，無綫計劃打造全新處境劇接棒。一眾演員得悉消息後大感不捨，希望將來喺新劇有緣再聚。

《星島頭條》向劇中「熊若水」呂慧儀求證停拍傳聞，佢透過短訊回覆，語氣帶點玄機：「我都唔係好知拍到幾時，不過總有完結嘅時候嘅。」似乎默認劇集终有告別一日。至於「熊樹根」劉丹接受電話訪問時就話：「我都係睇到新聞先知，因為我這兩日都放假，所以未見到同事。」佢透露高層曾勵珍冇聯絡過佢，唔知道細節，如果有新劇接力，就要睇公司如何安排。丹爺話：「而家仲有拍緊，我聽日開工呀！等我聽日返去了解一下。」看來停拍消息未正式通知演員，一切有待劇組進一步公布。TVB