陳瀅跌膊紅裙晒結實背肌 網民笑言：Hot過今日太陽！.早前喺澳門完成首個粉絲見面會嘅陳瀅，當晚又唱又跳令唔少觀眾眼前一亮。近年積極操肌Keep fit嘅佢，狀態越戰越勇，日前再度喺社交網派福利，分享一輯著上紅色晚裝嘅活動靚相，即時引嚟大批網民瘋狂討論。相中嘅陳瀅狀態弗爆，條裙嘅「單邊跌帶」設計，完美襯托出佢嘅白滑香肩同緊緻手臂線條，仲隱約見到背肌，相當結實！

有網民搞笑留言：「今日天氣已經好熱，見到你仲熱過太陽！」、「瀅姐呢個背脊不得了」、「果然係運動有功，線條出晒嚟」。陳瀅近期頻頻以健康性感形象示人，似乎為之後嘅演藝工作密密備戰。TVB