《愛．回家》停拍︱葉蒨文不捨告別「島大Candy」 盼與觀眾正式道別.無綫處境劇《愛．回家之開心速遞》即將停播，一眾演員紛紛表達不捨。憑劇中「島大女神Candy」一角成功入屋嘅葉蒨文（Sophie），接受東網訪問時坦言，自己由第一集開始已經參與拍攝，陪住觀眾接近九年，感情深厚。

葉蒨文話，目前未知故事最終發展，但如果真係要完結，一定會好唔捨得：「最難忘嘅係我第一集就開始出現，陪咗觀眾差不多九年。有好多觀眾同我講，佢哋由讀書睇到返工，仲結婚、生小朋友。8點呢個食飯時段陪住大家嘅高低起跌，係最唔捨得嘅一點。」佢又話一直好期待返去延續Candy嘅故事，如果劇集真係完結就冇機會了。

葉蒨文透露，暫時劇情寫到Candy同Mike結婚去哈爾濱。佢希望如果真係大結局，可以同大家一齊出現，同觀眾講聲拜拜。