滕麗名告別《愛．回家》大感不舍 亲承无份拍新處境劇.《愛．回家之開心速遞》即將停拍，一班演員去向备受关注。滕麗名今晚（14日）在直播中透露，自己唔會參與完結後嘅新處境劇。被問到下一部處境劇嘅詳情，佢話：「我都冇份拍，我點會知道呢？我都想透俾你聽，但真係透唔到。」對於會否參演新劇，滕麗名坦言：「應該就唔會啦。希望俾大家一個耳目一新嘅感覺，所以新嘅處境劇應該冇我份。希望你哋可以睇到一個全新嘅電視劇啦。」

滕麗名不捨《愛．回家》十年情：「梗係會唔捨得啦，十年咯。不過我都好慶幸多咗個女，又多咗個徒弟。」講到劇中感情線，佢笑言：「媽咪撐從幫頂安邦……其實愛情呢樣嘢，我盲撐嘅啫。安邦梗係好啦，但從幫亦都非常之慘。」

被問到想挑戰咩角色，滕麗名話：「其實成日有人問我呢個問題，我真係唔會特登去揀。每一個劇本、每一個人睇都會有唔同嘅感覺。我希望挑戰一啲劇本，我好鍾意喺劇本裏面搵新嘅火花，搵一啲隱藏嘅功能。」至於下次同周嘉洛合作想挑戰咩角色，佢笑住話：「不如兩母子一齊去挑戰其他角色啦。我相信我做唔到佢女朋友，除咗做佢阿媽，我又做唔到佢家姐，年紀大咗少少。但兩母子闖天下都OK嘅。」

TVB