《愛‧回家》停拍｜「大龍生」羅樂林不捨：天下無不散之筵席.無綫處境劇《愛‧回家之開心速遞》即將停拍，喺劇中飾演「大龍生」嘅羅樂林，接受東網訪問時坦言一定唔捨得，笑話𠵱家出街都俾人截住問套劇幾時完。不過佢都話：「天下無不散之筵席，其實呢套劇破紀錄主要靠兩個人，一個係珍姐（曾勵珍），一個係丹爺（劉丹）。」

講到之後公司會開拍新處境劇，問到會唔會想繼續參演，羅樂林直言：「我都就嚟80歲咯！都拍咗60年戲，啲仔女都有叫我退休，好在我身體都仲算OK，我日日都Keep住做運動，最緊要身體健康。」佢又話𠵱家大環境影響，幾乎每日都有同事派散水餅「say goodbye」，所以做人唔好咁執着，開心就得。TVB