尋晚有港男足2-0擊敗蒙古，今晚就有港女足「紅雨」底下再爭一口氣，完成男女足齊齊贏波嘅壯舉！

今晚友賽斐濟，初段就落後1球。港隊之後憑藉頑強鬥志，喺上半場34分鐘，由張煒琪後柱接應協助追平比數。氣勢如虹嘅「足球女將」喺4分鐘後再有收穫，梁匡蕎cup過對手以逆足射入，令港隊反超前2-1返更衣室。換邊後佢哋繼續展現強勁嘅韌勁，75分鐘魏嵐成功把握機會埋齋，最終港隊贏3-1完場。今個國際比賽日，4日內兩戰對手都能夠贏出（3-2/3-1），表現值得嘉許！（資料來源- 香港足球總會）

HKWRT 香港隊勁揪HKGFIJInternationalFriendly🇭🇰⚽️