世界盃揭幕前夕嘅最後三場國際A級熱身賽，有份入圍嘅三隊波都旗開得勝。其中備受質疑嘅英格蘭，今仗面對哥斯達黎加，就近乎full team出戰。整場賽事佢哋都佔據壓倒性優勢，喺迪勤萊斯10分鐘打開紀錄之後，英格蘭嘅攻勢一直延續到完場哨聲響起。當中都錯失唔少擴大比數嘅契機，包括麥杜基同羅渣士嘅兩次黃金機會。被「重點照顧」嘅安東尼哥頓用十二碼宣洩怨氣；屈堅斯後備入替就執咗隻「靚雞」。睇得出英格蘭全隊心態都幾放鬆，連碧克福特都上演個人盤帶出禁區，成個扭過對方前鋒球員。

哥斯達黎加90分鐘未有一次成功埋門，守門員薛基拿（Patrick Sequeira）成為最忙碌嘅一位！

今日凌晨結束國際熱身賽賽事賽果-葡萄牙🇵🇹2-1 🇳🇬尼日利亞英格蘭🏴󠁧󠁢󠁥󠁮󠁧󠁿3-0 🇨🇷哥斯達黎加玻利維亞🇧🇴0-4 🇩🇿阿爾及利亞

FIFA 🌍⚽️