無綫小花黃嘉雯和陳懿德昨日擔任龍舟競賽主持，從前輩身上獲益良多，袋錢落袋大豐收。而邢慧敏在岸上打氣之餘不忙𥄫仔，更對大隻健兒心心眼之外。

一年一度的《沙田龍舟競賽2026》今日在沙田城門河上演，無綫派出鍾志光及黃嘉雯擔任主持，應屆港姐冠軍陳詠詩及友誼小姐暨最上鏡小姐李尹嫣擔任頒獎嘉賓外，還有多位靚女包括邢慧敏、陳熙蕊和麥詩晴到場，為藝員龍舟隊打氣，滕麗名則擔任龍舟鼓手擊鼓打氣，令現場氣氛高漲。

黃嘉雯表示今次是首次現場睇龍舟賽事，竟然拍住鍾志光做主持，感覺意義重大，從前輩身上獲益良多：「跟鍾Sir學做Live真係好開心，佢實在太勁、太佩服啦！佢教咗好多龍舟知識畀我哋，仲有佢對於唔同隊伍同參賽者嘅認識，真係咁多年嘅經驗儲番嚟。」邢慧敏則表示現場大家都很投入，尤其今年有滕麗名打鼓，大讚氣氛超級正。她又指有跟其他港姐傾偈，希望明年一起組隊參賽，應該會很好玩。問到有沒有留意爬龍舟的大隻健兒？她笑言：「今日喺現場都真係有留意到扒龍舟嘅男士都幾健碩幾大隻，係幾吸引嘅！喺炎炎夏日下都令到我哋女士有幾分消暑。」邢慧敏又透露有途人向她表示去年曾跟她在此合照，今年再度合照留念，感覺開心。

另外，陳熙蕊表示雖然天氣炎熱、大風及下微微雨，但無阻市民的熱情，畫面十分震撼，由於家人都在外地，以往過節都是獨自度過：「今日同大家一齊嗌、一齊打氣，喺咁震撼嘅氣氛下感受傳統節日，好有大家庭嘅溫暖，成件事好開心、好有正能量！」而陳懿德和安德尊留守錄影廠做主持，雖然未能到現場感受賽事氣氛，不過首次主持龍舟競賽的陳懿德同樣表示大豐收：「因為第一次做龍舟競賽，又第一次同大王（安德尊）合作，學到好多嘢，今次仲第一次入去新聞部，解鎖咗新聞部嘅神秘面紗。」