【On.cc】黃宗澤做明星籃球賽嘉賓　魔音女團跳唱勁High

由無綫藝人劉穎鏇、譚俊彥、張振朗、袁偉豪、何廣沛等人組成的明星籃球精英隊，近日在茂名奧體中心體育館對戰粵BA茂名隊，名星隊邀得中國女子籃球員楊力維助陣，可惜最後僅以4分之差落敗，雖敗猶榮！現場還有視帝黃宗澤以嘉賓身份現身，並由魔音女團擔任表演嘉賓，跳唱《Lucky Star》暖場，令全場氣氛高漲。

明星籃球精英隊去到茂名出賽，可惜輸咗。

譚俊彥（右一）現場叫到把聲冇咗。

劉穎鏇

譚俊彥接受東網訪問時表示對賽果感滿意：「現場叫到把聲都冇咗，真係好熱血，因為啲分數咬得好緊，86比90，雖然我哋輸咗，但對方係專業隊，我哋都覺得成班隊員打得好好。」他稱回到家就已收到小朋友自製的畫作禮物，令他甜在心，慶祝方面，他說：「已經安排好節目，我同太太去睇音樂劇支持朋友，小朋友跟爺爺嫲嫲去食飯，大家都各有節目。」

至於首次衝出香港表演的魔音女團之一的倪嘉雯受訪時直言感到非常興奮：「我哋去到體育館嘅時候，我係忍唔住嘩咗出嚟，因為個場館係比我想像中大好多，嗰刻有少少緊張，因為冇咁過場館咁大同有咁多觀眾，係我哋表演以來最多觀眾嘅一次，加上係四面都有觀眾，有種好似喺紅館嘅感覺，都幾特別。」她稱看回片段，對表演也很滿足，而且氣氛很好，是一種全新體驗，亦是首次現場觀看籃球賽，大感刺激：「今次可以表演，又可以睇到同事比賽，呢個茂名之旅真係好開心。」

雖然黃宗澤（Bosco）無份比賽，但現場大受觀眾歡迎，有粉絲於社交網分享與偶像超近距離睇波的體驗，高呼「真的帥到了」！Bosco除了為球員打氣，還介紹即將於8月在茂名起動的全國體育盛事「省運會」，而他受訪時表示：「第一次來茂名，啲朋友就話荔枝好好味，仲有啲雞都好好食喎。雖然今次來去匆匆，不過好羨慕呢度嘅人，嚟到望到啲街道咁闊咁大，好似去咗歐洲咁，又靚又乾淨。依家高鐵咁方便，你哋嚟香港探我又得，我哋嚟睇你哋又得。」而離場前，他不停向觀眾派飛吻，心情大靚。

黃宗澤大受觀眾歡迎，頻頻被讚勁靚仔。

黃宗澤大讚茂名好似去咗歐洲咁。

黃宗澤狂派飛吻，Sweet爆！

魔音女團做表演嘉賓。

倪嘉雯話好似喺紅館開騷嘅感覺。

學到嘢