由無綫藝人劉穎鏇、譚俊彥、張振朗、袁偉豪、何廣沛等人組成的明星籃球精英隊，近日在茂名奧體中心體育館對戰粵BA茂名隊，明星隊邀得中國女子籃球員楊力維助陣，可惜最後僅以4分之差落敗，雖敗猶榮！現場還有視帝黃宗澤擔任開球儀式嘉賓，並由魔音女團表演，跳唱《Lucky Star》暖場，令全場氣氛高漲。

在賽後的頒獎儀式上，大會特意安排驚喜，為表揚明星隊的亮眼表現，宣佈團體冠軍由茂名隊及明星隊共同奪得，雙冠軍和氣收場，皆大歡喜！而全場表現出色的楊力維則大熱摘下賽事MVP殊榮，得分不少的劉穎鏇奪得「優秀隊長」，張振朗奪得「最佳防守球員」，而「最佳人氣球員」則由袁偉豪奪得，明星籃球隊成員對全晚表現都感到滿意。

譚俊彥接受東網訪問時表示對賽果感滿意：「現場叫到把聲都冇咗，真係好熱血，因為啲分數咬得好緊，86比90，雖然我哋輸咗，但對方係專業隊，我哋都覺得成班隊員打得好好。」他稱回到家就已收到小朋友自製的畫作禮物，令他甜在心，慶祝方面，他說：「已經安排好節目，我同太太去睇音樂劇支持朋友，小朋友跟爺爺嫲嫲去食飯，大家都各有節目。」至於首次衝出香港表演的魔音女團之一的倪嘉雯受訪時直言感到非常興奮：「我哋去到體育館嘅時候，我係忍唔住嘩咗出嚟，因為個場館係比我想像中大好多，嗰刻有少少緊張，因為冇咁過場館咁大同有咁多觀眾，係我哋表演以來最多觀眾嘅一次，加上係四面都有觀眾，有種好似喺紅館嘅感覺，都幾特別。」她稱看回片段，對表演也很滿足，而且氣氛很好，是一種全新體驗，亦是首次現場觀看籃球賽，大感刺激：「今次可以表演，又可以睇到同事比賽，呢個茂名之旅真係好開心。」雖然黃宗澤（Bosco）無份比賽，但現場大受觀眾歡迎，有粉絲於社交網分享與偶像超近距離睇波的體驗，高呼「真的帥到了」！Bosco自言好喜歡打籃球，讀書時期曾是學校籃球隊成員，更曾為學校出賽奪得學界冠軍，只是多年來未有再打籃球，加上有舊患在身，膝蓋有傷患，他希望下次有時間練習一下，可以落場跟大家打籃球。身為隊長的劉穎鏇賽後大讚隊員表現出色，因為隊員各有各忙，以致比賽前較少時間一齊練習，加上隊員有傷患未好，幸好大家默契十足，充分發揮出團體合作精神，才能頻頻得分，而有份落場之胡鴻鈞亦很滿意自己表現，形容比賽得十分開心。