【On.cc】劉穎鏇機師Look襲銅鑼灣　朱敏瀚自爆同周嘉洛咀過

無綫熱播劇《飛常日誌II》一眾主要演員馬國明、周嘉洛、郭柏妍（Rosita）、朱敏瀚（朱仔）和鍾柔美（Yumi），以空姐及空少造型現身銅鑼灣為新劇宣傳，唯獨劉穎鏇（Tiffany）以機師Look出現，現場吸引逾百粉絲支持，其中以Rosita粉絲人數最多，由於天氣又曬又熱，演員出動風扇散熱，又用應援牌擋陽光。

為預祝劇集收視長紅，演員除派劇集造型卡及任影合照外，還加插食軟糖遊戲，Tiffany先後和嘉洛及朱仔咬住軟糖頭及尾，兩男可親近女神可謂自肥成功，其中主持人笑嘉洛：「係咪想錫Tiffany？」而嘉洛跟朱仔食糖一Part最搞笑，兩人近乎面貼面，朱仔最終忍不住笑，又說：「其實我同嘉洛錫過㗎啦。」嘉洛說：「我都好耐冇聞過佢塊面嘅氣味，頭先聞到。」至於馬國明就以「不食糖」為理拒絕玩遊戲，改以「騷肌」示人，但原來「騷肌」只是Key頭在大隻佬的紙版上，至於Rosita及Yumi亦以紙版人代替着泳裝。

Tiffany、馬國明及嘉洛齊接受訪問，Tiffany被讚在劇中美出新角度，全網民表示要娶她做老婆，她說：「咁就要多謝監製啦，拍到我咁嘅效果。」馬國明和嘉洛就表示監製不想她的美貌耽誤了演技，所以她在劇中未算最靚。講到她今日以機師Look示人，似乎圓網民心願？她話：「今次好特別，記得拍上季《飛》時，我想做女飛機師，因為好型，但估唔到今次宣傳可以着呢套衫。」她開到口恨拍《飛》第三季，看見朱仔的機師造型，自己也想試一次，嘉洛插口說：「我都想做飛機師，因為我個角色叫『程日飛』，但未飛過。」

Tiffany在劇中大晒長腿，她說初時沒想過露得這麼多，馬國明及嘉洛讚她夠完美，問嘉洛玩遊戲時是否想錫Tiffany？他笑問：「我係咪好好戲，我帶定鉸剪，我怕我忍唔住，趁仲有理性時就剪斷條糖，不過我係專業演員，唔會帶私人感情，幾想錫都收埋啦。」

劉穎鏇以機師Look出現。

現場吸引逾百粉絲支持。

其中以郭柏妍粉絲人數最多。

朱敏瀚同劉穎鏇食同一條糖。

朱敏瀚同周嘉洛「咀嘴」。

朱敏瀚自爆同周嘉洛錫過。

馬國明以「騷肌」示人。

郭柏妍（左起）、鍾柔美以紙版人代替着泳裝。

周嘉洛嚟啦！

嚟張大合照。

朱敏瀚