【On.cc】《飛常日誌II》周嘉洛唱慘情歌有喜感　郭柏妍獲封「美腿天花板」

周嘉洛在昨晚播出的《飛常日誌II》中，他飾演的飛仔，因認清Carmen（劉穎鏇飾）不喜歡自己的事實後，拉大隊到卡拉OK狂唱8次《男人最痛》！這個場口妙絕之處，其喜感式眼泛淚光、唱到青筋暴現的哀嚎「慘情樣」、及冇晒靈魂的「喃嘸」Tone，網友對他的演出笑爆嘴。

周嘉洛狂唱8次《男人最痛》。

七情上面反而令人笑爆嘴。

一班老友食花生。

至於另一吸睛位，落在小花郭柏妍（Rosita）身上！在《飛常》第一季已獲網民熱捧為「腳柏妍」的她，無論是少女感OL短打套裝、或是青春活潑的露腰運動裝束，都凸顯了其身材的先天優勢。不過原來Rosita，每逢着短打上陣拍攝，都是有苦自己知，她受訪時笑言：「其實好多組同事都知，我對腳成日都好容易受傷，唔係撞瘀就係畀蚊咬，所以只要一拍腳嘅Close up，我就要用好多時間瘋狂補妝，所以今次演副機師着多咗褲，我覺得好輕鬆。」而Rosita今季創造的經典靚畫面，是她徐徐步向望門窗的Caption K（朱敏瀚飾）時，鏡頭完美捕捉她的修長美腿，形成絕美構圖，難怪事後成功引爆熱討，大讚Rosita「美腿天花板」。

郭柏妍（左）劇中大晒美腿。

仲有長腿特寫，難怪獲封「美腿天花板」。

至於近日憑主持《唱錢》及獲欽點演出新處境劇《愛‧回家之三代同糖》的李茵彤（Desta），在劇中客串飾演內地學生，大晒流利普通話。Desta本身喜歡挑戰不同語言歌曲，除了粵語、英文及普通話，連日文也很擅長。她的另一亮點絕對假髮造型，問到為何要假髮上陣，Desta笑言：「因為嗰時我已經主持緊《唱錢》染咗啡髮，但因為呢套劇嘅角色唔可以啡色頭髮，所以就全程戴假髮上陣喇，我依家睇番自己個Look，覺得好搞笑。」

李茵彤（左）戴假髮上陣有原因。