視帝陳豪（阿Mo）與太太陳茵媺（Aimee）今日（27日）出席活動分享理財心得，陳豪表示男主外女主內，太太就是家中的CEO，他説：「男人賺錢，攞晒返屋企畀老婆，句號。哈哈！」至於掌握家中財政大權的Aimee，指大部分花費主要用在3個子女身上，最重要取得平衡，她笑謂：「要學好多嘢、又要食嘢、有時都要去旅行。」她坦言始終有3個小朋友，因此管理家中財政必須要諗過渡過，要考慮儲蓄成分，不能只顧使錢。談到小朋友學習，二人一致認為要先讓小朋友找到自己的興趣與方向，然後再加以栽培，陳豪説：「始終小朋友無論學費、生活費、補習費，再加埋長遠年紀開始越大使費越嚟越多，所以喺理財方面搞好啲，譬如教育基金同保險，唔同嘅理財嘅工具 ，都要靠專業人士幫我哋處理。

談到小朋友興趣，Aimee指大仔雖已屆中一階段，但仍在摸索學習方面的興趣：「當然有學緊數學同中文。（呢啲唔算興趣？）係媽咪嘅興趣，我啲中文都好叻嘛，哈哈！所以想佢哋叻啲。」她笑指自己已很努力，但仍有很多中文字未學懂，因此希望小朋友在語文基礎上要打好。至於興趣方面，陳豪透露大仔近來學打冰上曲棍球，細女則剛剛面試學音樂劇：「又唱又做戲。（唱歌，超越你？）我攞過獎㗎，哈哈！（平日會喺屋企模仿你做戲？）其實冇得模仿，我同阿女講尤其做歌星，其實係你有幾多膽識、喺幾多人面前唱歌，你唱得好嘅話你嘅膽識就愈大，愈多人嘅話你就愈Enjoy，係一種自信心嘅表現，睇你肯落幾多苦功同時間訓練去提升技術。」他指小朋友近來開始喜歡看外國警匪片，大仔喜歡動作和槍戰片，認為小朋友將來有自己的世界，因此現在會鼓勵他們尋找自己的夢想，但首要條件是在學業上打好根基。

除了學業，Aimee表示有教小朋友理財，重點是「應使則使」，購物前要考慮清楚，亦要學習儲蓄。陳豪則爆3個小朋友有各自理財方案：「大仔好慳，但係當佢見到自己鍾意嘅嘢呢佢捨得嘅，但佢都會格價，會攞到個唔錯嘅價值性價比去買。二仔就再慳啲，淨係買平嘢，愈平愈買，結果買一大堆唔要嘅嘢，哈哈！佢主力係儲錢。」Aimee指大仔每次購物也要很花時間考慮，笑指每次也要在旁等他很久，至於二仔就會教他儲蓄可以為將來讀大學甚至投資作準備：「佢會問我可唔可以攞啲利是錢去投資？（投資邊方面？）佢未識，都係儲錢收息。（即係細女好大使？）唔好諗，使咗先！佢好鍾意買嘢畀阿哥大家一齊食，使晒就，呵呵，哈哈！」陳豪笑指細女體現了當代用錢原則，最緊要開心。

談到投資取向，Aimee坦言是個保守的人，會將錢放定期存款收息。提到老公早前表示會送「心意」給她作生日和結婚周年禮物，問她結果收到甚麼心意？Aimee笑謂：「唔話你知！（好名貴嘅包包？）唔講呢啲，哈哈！其實唔一定要買嘢，佢工作咁忙，可以一齊食飯、有私人時間已經好難得。」問到今年可有時間二人世界旅行？陳豪表示拍完劇便會去。另談到Aimee早前網晒單人婚紗照慶祝結婚13周年，即惹來婚變傳聞，Aimee表示全不知情，她說：「Flash back嚟㗎！（令人誤會？）Oh sorry，我好似有寫Flash back。」陳豪即笑指很多人只看照片而不理發文，Aimee則笑言下次會將「Flash back」寫在照片上。