【娛樂新聞】吳啟華戴祖儀首合作演父女有掌摑戲 移居內地18年生活富貴 名錶收藏價值8位數.吳啟華與戴祖儀今日（28日）出席無綫新劇《非份之罪》宣傳活動。兩人首次合作，戴祖儀自言細細個已睇吳啟華演程至美醫生，仲話想請對方做佢音樂會嘉賓。劇中兩人飾演父女，有一場掌摑戲。戴祖儀話忘記咗被掌摑，因為冇打到，仲大讚吳啟華專業，拍到超好角度。吳啟華話拍掌摑戲唔使真打，演員演技表現到似被打就夠，試過內地一位新人男演員要求真打，佢先狠狠地打。

戴祖儀笑言可以睇吳啟華嘅名錶收藏。被問到名錶收藏可有50隻、價值是否達8位數，吳啟華話係講興趣同鍾意，唔係講價值，好貴同唔貴都鍾意，亦係一種投資，都有賣過收藏。已移居內地18年嘅吳啟華話內地舒服好多，空間又大，唔鍾意太迫嘅地方，平時鍾意打golf同釣魚，亦會接商演登台。佢話個女出世時已搬去內地，女兒今年18歲，香港有故定居所同親人，再返嚟拍戲就要睇劇本。TVB