【On.cv】張曦雯為被遺棄小貓搵歸宿　愛心爆發貓狗都錫

無綫「長腿女神」張曦雯（Kelly）被傳和「型男」吳卓羲（Ron）在合拍的新劇《璀璨之城》中戲假真情，兩人更因飼養「同款」的唐貓「冬菇」而洩密。

這對俊男美女至今尚未就緋聞表態，但昨日「幸福Kelly」又在社交網晒貓相，似乎受養了11隻貓的緋聞男友同化，已深深愛上貓。相中她抱住一隻唐貓bb，稱呼牠為「Baby Boy」，留言：「劇組執到隻被遺棄的小貓，希望喺煞科之前幫佢搵到個forever home ，有緣可以DM我」，為幫貓B吸引新主人，她將小貓放在大髀上逗玩，而小貓似乎都好鍾意Kelly，不停舔她的手指，未知她可考慮將小貓B私人化，為家中再添新成員呢？

張曦雯本身飼養柴犬Nala。

張曦雯為唐貓bb搵主人。

張曦雯因為養咗貓，被指自揭同吳卓羲拍拖。

雖然Kelly現多了一隻「定情貓」，但對本身飼養的柴犬Nala仍愛不變，再在社交網分享一段蹓狗片，留言：「兩個星期冇返嚟見到Nala啦，今日有時間一定帶佢出街」。至於她到底愛「冬菇」還是「Nala」多一點，答案就在寵物美容師馬貫東的社交網搵到，皆因馬貫東將「冬菇」及「Nala」的沖涼片放上網，而幫「冬菇」洗白白前，見「家姐」Nala亦同框，可見Kelly對兩隻毛孩絕無偏心，在片中見一貓一狗分別沖涼時也表現淡定、乖巧，可謂相當有家教。

張曦雯貓狗都愛，一齊帶去畀馬貫東幫佢哋沖涼。

馬貫東現為寵物美容師，成日有藝人幫襯。

Nala個樣好爽。

「冬菇」都有一齊沖。