【On.cc】羅霖談忘母一度哽咽　難忘母親轉贈紅寶石戒指

電台DJ 鄭啟泰於兩年前猝逝，終年56歲，其胞妹鄭啟晞為哥哥推出新書，鄭啟泰未婚妻王雁芝(Angie)在場，但低調沒現身。今日（18號）鄭啟泰好友羅霖，可宜，戚黛黛，秦啟維，馮素波等，還有鄭啟泰的父母現身書展出席新書分享會，期間鄭啟晞談及亡兄時，一度感觸落淚，她表示：「每個鐘都諗起哥哥」。

羅霖懷念母親。

她又指推出新書是兌現跟哥哥的承諾，因鄭啟泰離世前已籌備推出新書，她謂：「當年係諗住哥哥寫文字，我畫插畫，但哥哥留低咗6個故事就離世，我沉澱咗1年後，就再延續佢嘅遺願，搵咗佢啲朋友寫其餘故事，圍繞物件去寫。」又說跟哥哥的未婚妻Angie及女兒Kayla關係好，但她兩人低調。

羅霖表示和鄭啟泰相識多年，私交甚篤，她說：「我推出寫真集都搵佢做司儀，佢係個好風趣嘅人，成日發放正能量。」談及新書中她所敍述的物件時，即展示手上的紅寶石戒指，續謂：「我就係寫呢隻戒指，因為隻戒指本來係我戴嘅，但媽咪好鍾意，所以改細咗個size畀咗媽咪戴，但3年前媽咪患癌症離世前，佢叫我將戒指改番大size畀番我，所以呢隻戒指好代表到我哋母女之間嘅維繫。」說時滿眼淚水，可見母女情深厚。

同場的馮素波將於8月7日82歲生日，她說：「生日正日會喺荃灣大會堂開騷慶生，諗緊攞唔攞蛋糕上台切，不過要申謂咗先，二公主沈芝華（七公主之一）會嚟，佢之前扭傷條腰，攤床幾個月，依家冇乜事，仲有李琳琳，佢老公姜大衛都會跟住老婆嚟，（其他「公主」嚟唔嚟？）佢哋得閒就嚟啦，不過佢哋唔係唱歌嘅，所以唔會上台合體啦。」談及資深演員梁愛離世，她豁達謂：「我都排緊隊，資深藝人係咁架啦，所以今日有得開心就開心，明天唔使為我傷心落淚。愛姐係前輩，佢拍戲時，我仲湊緊仔，有飲過茶，但有冇合作就唔記得。」

羅霖難忘母親轉贈的紅寶石戒指。

鄭啟晞談及亡兄時，一度感觸落淚。

馮素波直豎拇指。

可宜（左）與羅霖合照。

candylo罗霖