劏房概念球衣💰

秘魯傳統老牌足球會慕尼斯帕爾體育會（DeportivoMunicipal）喺面臨嚴重嘅財政崩潰與降班危機時，攜手創意機構 McCann Lima 推出咗顛覆體育行銷嘅群眾募資企劃「Muni嘅1000個贊助商 （Los Mil Sponsors del Muni) 」。

由於球隊近年債台高築，失去咗百萬級嘅大贊助商，隨時面臨解散厄運。為咗解決困境，球會決定將目光投向最忠實嘅平民球迷與社區小店，將全新賽季嘅波衫表面重新設計，劃分為1000個由數百個黑白小方格組成嘅「微型廣告位」。

每個位置嘅贊助費用定為極低嘅200秘魯新索爾（約合27美元），俾當地嘅雜貨舖、理髮廳、基層球迷都能輕鬆負擔。參與嘅微型贊助商除咗能夠將名字永遠留印喺比賽波衫上面，仲可以獲得官方商品嘅零售授權，甚至能邀請球會嘅職業球員為自家小店拍攝宣傳短片。呢項巧妙融合社區情感嘅活動喺短短三個月內便將1000個贊助位全面售罄，成功為一隊同青訓學院募集到超過254,000新索爾嘅關鍵營運資金，將呢家歷史球會從破產邊緣救返嚟。

呢項充滿人情味嘅創意，最終更一舉擊敗各大商業巨頭，斬獲咗戛納國際創意節（Cannes Lions）娛樂體育獅單元嘅最高榮譽大獎（Grand Prix），成為體育史上嘅行銷傳奇。👕🇵🇪