藝人黃翠如早前專程到江門捧老公蕭亞楠偕曹永廉及馬國明的《三生有幸》演唱會場時，因腹部微隆被懷疑再度懷孕，而翠如即時否認，聲稱只是「肥咗」。今日（1日）她身穿白色連身短裙出席RSV疫苗分享會，其腹部已回復扁平，她接受訪問時狠狠地說：「去睇騷嗰條牛仔褲我已經丟咗 。」又指未結婚時任食都沒有肚腩，但結婚生仔後，肚皮彈性極高：「變咗橡皮肚，唔食嘢係平嘅，一食嘢就可以變到好大，同埋嗰日華哥（黃日華）做嘉賓，佢食乜我食乜，食咗漢堡包、雲吞、燒豬、燒雞，仲有珍珠奶茶，做阿媽真係好大壓力，但我後悔，嗰日成為焦點，我唔開心，睇到張相都覺得有啲失禮，對唔住大家。」

翠如又指「大肚相」曝光後深受打擊及感尷尬，她說：「以前覺得係小肚腩，但今次就大到被人懷疑懷孕，咁就真係好大，我食嘢會節制吓，食少好多同埋做虐腹運動，再多跑步。」問到可考慮真懷孕，她表示懷孕不易，BB對她來說相當珍惜，目前希望將注重力全集中在囝囝身上，暫不考慮再生，個人覺得「一個夠晒數」，況且身邊朋友及妹妹的小朋友也輪流出世，所以相信囝囝不會感寂寞，加上小朋友讀書後就有自己朋友圈。問到可接受囝囝有女朋友仔？她秒回說：「我暫時接受唔到，佢最近先識錫我同爸爸，唔好咁快錫其他人住。」她又覺得做媽媽是個極佳的學習課題，之前BB第一次打防疫針時，她心痛到比BB喊得更厲害，現時已學識放鬆，雖然明年囝囝才返學前班，但她已開始向其他媽媽收集意見，不覺得麻煩之餘，反而覺得好開心。