意大利足總官方宣佈，意大利名將蘇拿加入足總作為青年計劃嘅協調員。

意大利足總嘅重建計劃，其中一個方向係從‘底層’ 即係低組別聯賽開始入手，蘇拿嘅主要任務係鼓勵第三級別聯賽球隊更多地使用年青球員，推動球會進行結構性投資。

蘇拿本人仍然會繼續擔任第三級別聯賽會嘅副主席，佢對於重返意大利足總出任新角色表示感謝足總主席馬拿高，並且充滿熱情地投入新嘅工作，致力培養同推動意大利新秀球員嘅發展。

馬拿高就感謝蘇拿以積極嘅意願、熱情同責任感接受呢一個角色，希望文仙尼、雲尼亞里同蘇拿一齊為意大利足球建立一個新嘅願景。